Rusiyanın aparıcı kanallarından olan NTV-də yayılan süjet aradan bir müddət keçəndən sonra sosial şəbəkələrdə trendə çevrilib.

Axar.az xəbər verir ki, hər iki tərəfin təkcə döyüş meydanında deyil, həmçinin informasiya cəbhəsində də savaş apardığını bildirən NTV aparıcısı əslində həqiqətin “görünməz olduğu” təəssüratını yaratmağa çalışır. Bildirir ki, Ermənistan MN-in yaydığı məlumatları Azərbaycan MN-in təkzib edir:

“Ermənistan MN yayır ki, Azərbaycanın bir neçə qırıcısını vurduq, Azərbaycan MN isə həmin gün ümumiyyətlə qırıcılardan istifadə edilmədiyini, havaya aviasiya qaldırılmadığını açıqlayır”.

Belə vəziyyətdə hər iki tərəfdəki aparıcıların efirdə ağlamasına diqqət çəkən NTV “Bu, Ermənistan MN-in itkilərlə bağlı açıqlamasından sonra aparıcının efirdə ağlamasıdır” deyə erməni aparıcının ölən əsgərlərinin siyahısını elan edərkən ağlaması kadrını göstərir.

Növbəti kadrda isə “Bu da Azərbaycan MN-in itkilərlə bağlı açıqlamasından sonra azərbaycanlı aparıcının ağlaması” deyə təqdim etdiyi kadrla NTV əməkdaşı guya hər iki tərəfin “ağladığına” vurğu edir.

Azərbaycanlı aparıcının – İTV əməkdaşının efirdə niyə ağladığına isə NTV əməkdaşı deyəsən, diqqət etməyib. Məsələ burasındadır ki, İTV əməkdaşı həmin gün azad edilən kəndlərimizi elan edərkən sevindiyindən göz yaşını saxlaya bilmir.

Bu paradoks isə hər iki tərəfdəki real mənzərəni göstərməklə bərabər, informasiya müharibəsində kimin nə qədər gülünc duruma düşdüyünü əks etdirir.

Videonu təqdim edirik: