Hitler 1945-ci ildə öz qaçılmaz sonunu hiss etsə də, hamını silahlanıb ölümə getməyə çağırırdı. O, həmçinin Avropanın dinc şəhərlərini bombalamağı əmr edərək, cəbhədəki məğlubiyyətdən sonra özünə təskinlik verirdi. Paşinyan da indi eyni qorxuya düşüb.

Bunu Axar.az-a açıqlamasında siyasi müşahidəçi, Azərbaycan Respublikasının Dağlıq Qarabağ Bölgəsinin Azərbaycanlı İcmasının müşaviri Anastasiya Lavrina deyib.

Onun sözlərinə görə, Ermənistanın baş naziri sonunun qaçılmaz olduğunu və özünün başlatdığı müharibədə məğlub olduğunu dərk edir:

“Erməni xalqı onu heç vaxt bağışlamayacaq. Birincisi, o, bu müharibənin başlanmasına səbəb olaraq, bütün nəsillərin “görərək” böyüdüyü “Azərbaycan ərazilərinin əbədi işğalı” stereotipini məhv etdi. İkincisi, hərbi işlərdə təcrübəsi olmayan xeyli mülki gənci ölümün caynaqlarına göndərdi. Üçüncüsü, terror törətmək, Azərbaycanın dinc vətəndaşlarına raket atmaq əmri verən bir şəxs kimi tribunala çıxmalı olacaq. Beləliklə, Paşinyanın gələcəyi qorxuludur. O, itirməyə heç bir şeyi olmadığını başa düşərək özünü Hitler kimi aparır. Çox güman ki, elə sonu da Hitler kimi olacaq”.