Axar.az
Yuxarı

Axar.Az Logo

Riker gələn kimi İrəvan Bakıya və Moskvaya atəş açdı - Video

Ana səhifə Siyasət
12 Punto 14 Punto 16 Punto 18 Punto

00:14

Ermənistan Kəlbəcər istiqamətində atəşkəsi yenidən pozdu. Bu, Paşinyanın seçkiöncəsi gözlənilən sərhəd təxribatlarının davamıdır.

Lakin açıq qalan sual var: niyə Kəlbəcər?

Laçın-Gorus sərhədində yaranan problemdən sonra Ermənistan təxribatları əsasən Kəlbəcər istiqamətində həyata keçirir və hədəf məlumdur.

Paşinyanın təklif etdiyi “beynəlxalq müşahidəçi”lərin Azərbaycan-Ermənistan dövlət sərhədinin bütün xətti üzrə yox, məhz Kəlbəcər istiqamətində yerləşdirilməsi nəzərdə tutulur: Sotkdan (Söyüdlüdən) Gorusun Xoznavar (Xəzinəvar) kəndinə qədər.

Kəlbəcər istiqamətində intensiv təxribatların törədilməsi də böhranın dərinləşdirilməsi və “beynəlxalq müşahidəçi”lərin yerləşdirilməsinə şəraitin yaradılmasına hesablanıb.

Növbəti atəşin bu gün (10 iyun) – ABŞ dövlət katibinin köməkçisi Filip Rikerin İrəvanda Paşinyanla görüşündən sonra açılması təsadüfi deyil.

Rikerin kəşfiyyat xarakteri daşıyan Bakı və İrəvana səfərinin iki əsas məqsədi var idi:

1. Müharibədən sonra Azərbaycan-Ermənistan münasibətlərinin normallaşmasını Rusiyanın təsirindən çıxarmaq;

2. Sərhədlərin demarkasiyasında ABŞ-ın vasitəçiliyini təklif etmək.

Vaşinqton Bayden-Putin görüşünə qədər tərəfləri, xüsusilə Bakını bu məsələdə razı salmağa, yaxud ən azından mövqeləri yerində öyrənməyə çalışır. Rikerin Bakıda “ABŞ sərhədin demarkasiyasına texniki kömək edə bilər” açıqlaması da “beynəlxalq müşahidəçi” məsələsinin müzakirə edildiyini təsdiqləyir.

Amerikalı diplomatın İrəvanda Paşinyanla “Qarabağı münaqişəsini” müzakirə etməsi, ardınca Ermənistanın Kəlbəcər istiqamətində atəş açması Bakının təkliflə razılaşmadığını, yaxud öz korrektlərini etdiyini deməyə əsas verir: Azərbaycan sərhəd məsələsində Minsk qrupu formatını qəbul etmir və əgər “müşahidəçi”lər gələrsə, Türkiyənin iştirakını istəyir.

Gələn həftə baş tutacaq geosiyasi təmaslarda bu məsələyə də aydınlıq gətiriləcəyi gözləniləndir. Riker İrəvanda olarkən Kəlbəcərə açılan atəş isə Bakıya, həm də prosesdə vasitəçi olan Moskvaya açılan atəşdir. Və təbii ki, Ermənistan bu atəşlə “beynəlxalq müşahidəçi” təklifinin aktuallığını qorumağa çalışır.

Tarix
2021.06.11 / 10:26
Müəllif
Asif Nərimanlı
Şərhlər
Digər xəbərlər

Ermənistanda seçkilər başa çatdı

Şuşada Türkiyə bayrağı da dalğalanacaq - Çavuşoğlu

İrəvanın mina xəritələrini verməkdən imtina etməsi... - XİN

Çavuşoğludan xəbərdarlıq: Ermənistanın yeni hökuməti...

İranda Əliyevlə Ərdoğana da səs verildi - Foto

Türkiyədəki diaspor təşkilatları bəyanat yaydı

Mühafizəkarlar hakimiyyəti götürdü: İranda nə dəyişəcək?

Bayramov Boqdan Auresku ilə görüşdü

Türkiyə hər zaman Bakının yanında olacaq - Çelik

İlham Əliyev İranın yeni prezidentini təbrik etdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla