Rusiya Prezidenti Vladimir Putinlə Ermənistan Baş naziri Nikol Paşinyan arasında telefon danışığı baş tutub.

Axar.az xəbər verir ki, bu barədə Kremlin mətbuat xidməti məlumat yayıb.

Bildirilib ki, telefon danışığı zamanı tərəflər Azərbaycan, Rusiya və Ermənistan arasında üçtərəfli razılaşmanı, sərhədin demarkasiyası ilə bağlı məsələləri müzakirə ediblər.

“10 noyabr 2020, 11 yanvar və 26 noyabr 2021-ci il üçtərəfli razılaşmaların reallaşması ilə bağlı praktik addımlar, eyni zamanda Ermənistan-Azərbaycan sərhədinin delimitasiya və demakrasiyası ilə bağlı müzakirələr aparılıb”, - məlumatda qeyd edilib.

Paşinyan ATƏT-in Minsk Qrupu həmsədrlərinin xətti ilə işin davam etdirilməsinin məqsədəuyğunluğunu ifadə edib.

Eyni zamanda, KTMT çərçivəsində Rusiya-Ermənistan əlaqələrinə də toxunulub.

Paşinyanın xahişi ilə Rusiya lideri Rusiya-ABŞ danışıqlarının gedişi haqda qısa informasiya verib.