Əkrəm İmamoğlunun artıq prezident seçkilərində şansı yoxdur. Hazırda həbsdədir, diplomu yoxdur, orta məktəb attestatı var. Orta məktəb attestatı ilə prezidentliyə namizəd olmaq mümkün deyil.

Axar.az xəbər verir ki, bu sözləri türkiyəli jurnalist Murad Özər qeyd edib.

O bildirib ki, Türkiyə Cümhuriyyəti qanunlarına görə 1 il müddətinə azadlıqdan məhrum edilən şəxs prezidentliyə namizəd ola bilməz:

“Həbsinin nə qədər çəkəcəyi bəlli deyil, amma 1 il cəza alsa belə, o, prezidentliyə namizəd ola bilməz. Onun müraciəti üçün həbsdən çıxandan sonra ən azı üç il keçməlidir.

Hazırda Əkrəm İmamoğlu cəzalandırılsa da, cəzalandırılmasa da, qarşıdan gələn seçkilərdə prezidentliyə namizəd ola bilməz. Hüquqi baxımdan mümkün deyil. Təbii ki, bu vəziyyətdən həm Mənsur Yavaş, həm də Özgür Özəl çox sevinir. Hətta düşünürəm ki, Kamal Kılıçdaroğlu çox xoşbəxtdir. Əslində, 23 martdakı seçki zamanı (CHP-nin prezidentliyə namizədini müəyyən etmək üçün keçirdiyi ilkin seçki - red.) 15 milyon səs aldığını iddia edən Əkrəm İmamoğlu Silivridəki Mərmərə həbsxanasına göndərilib. Bu, əslində Özgür Özəlin bu vəziyyətdən nə qədər xoşbəxt olduğunu göstərir. Bu məsələni belə davam etdirəcək. Amma sonra hər şey sakitləşəcək və öz partiyalarının qurultaylarına qayıdacaqlar, Əkrəm İmamoğlu isə Silivri həbsxanasında unudulacaq”.