Dekabrın 21-də saat 10:00-dan 18:00-dək SOCAR-ın “Qaz İxrac” İdarəsinin Abşeron magistral qaz kəmərləri sahəsinin “Türkan-2”, saat 10:00-dan 15:00-dək Hacıqabul magistral qaz kəmərləri sahəsinin “Padar” qazpaylama stansiyalarında və bəzi ölçü qovşaqlarında cari təmir işləri aparılacaq. Təmir müddətində saat 10:00-dan 15:00-dək Ağsu rayonunun Padar, Kəlağaylı, Nəmilli və Binəcik kəndlərinin təbii qaz təchizatında məhdudiyyətlər olacaq. Aparılan işlərin saat 10:00-dan 18:00-dək olan müddət ərzində Bakının Xəzər rayonunun Türkan qəsəbəsinin bir hissəsinin də təbii qaz təchizatına təsir göstərməsi mümkündür.

Bu barədə Axar.az-a SOCAR-ın mətbuat xidmətindən məlumat verilib.