Ötən illərdə teatrlarımızın fəaliyyəti yaradıcı proseslərdən daha çox məişət məsələlərinin üzərində cəmləşmişdi. Bu da bizi çox narahat edirdi. Bu il isə teatrlarımızda bir çox tamaşalar təqdim edildi və böyük mədəniyyət hadisəsinə çevrildi.

Teleqraf.com xəbər verir ki, bu sözləri Mədəniyyət və turizm naziri Əbülfəs Qarayev Kukla Teatrının 85 illik yubiley tədbirində deyib. O bildirib ki, bu uğurlar Prezident İlham Əliyevin bir neçə il öncə imzaladığı Teatr haqqında Dövlət Proqramının uğurla həyata keçirilməsinin məntiqi nəticəsidir: "Teatr həyatında müxtəlif mərhələlər var. Çətin və asan məqamlar mövcuddur, sınaqlardan və əziyyətlərdən keçirik, sonra böyük uğurlara nail oluruq".