Bakı Uşaq Teatrının kollektivi Yeni il və Dünya Azərbaycanlılarının Həmrəyliyi günü münasibəti ilə Gədəbəydə “Şaxta babanın toyu” tamaşasını nümayiş etdirib.

Teatrdan Kult.az-a verilən məlumata görə, kollektiv Gədəbəydə müxtəlif şənliklər də təşkil edib. Şənliklər Gədəbəy rayon İcra Hakimiyyətinin təşkilatçılığı ilə baş tutub.

Xüsusən “Şaxta babanın toyu” tamaşası azyaşlılar tərəfindən böyük maraq və sevinclə qarşılanıb.

Qeyd edək ki, tamaşanın quruluşçu rejissoru əməkdar artist İntiqam Soltan, rejissor köməkçisi İlhamə Əhmədova, rəssamı Sevda Məmmədovadır. Tamaşada dünyanın müxtəlif xalqlarının nağıl qəhrəmanlarının iştirakı ilə sülh, mehribanlıq təbliğ edilir, vətənpərvərlik hissləri aşılanır.