Türkiyənin İstanbul şəhərinin Qaziosmanpaşa Bələdiyyəsinin Kültür və Sənət mərkəzində İstanbulda yerləşən Mübariz İbrahimov adına məktəbin şagirdləri və müəllim heyəti tərəfindən Dünya Azərbaycanlılarının Həmrəyliyi Gününə həsr olunmuş bayram tədbiri keçirilib.

Kult.az xəbər verir ki, tədbir şagirdlər tərəfindən səhnəyə Azərbaycan Respublikasının bayrağının gətirilməsi, eləcə də dövlət himninin səsləndirilməsi ilə açıq elan edilib.

Tədbir zamanı qonaqlar - siyasi şərhçilər Ramiyyə Məmmədova, Sahib Bayramsoy, jurnlist-yazar Şəbnəm Karslı, Battal Duran, türkiyəli yazıçılar Suat Turqut, Murad Ağbaş şagirdləri fəxri fərmanla təltif ediblər.

Qeyd edək ki, tədbirin təşkilatçıları Azərbaycan Təhsil və Kültür dərnəyinin qurucusu, rəhbəri Aygün Həsənoğlu, məktəbin direktoru İxtiyar Abdal, şair, tədbirin rejissoru Elçin Aslangil, rəssam Heydər Vahidovdur.