Ana səhifə Kult Teatr |
Azərbaycan Dövlət Musiqili Teatrında teatr rejissoru, əməkdar incəsənət xadimi Əli Usubovun 80 illik yubileyi qeyd olunub.
Teatrın mətbuat xidmətindən Axar.az-a verilən məlumata görə, tədbirdə Mədəniyyət və Turizm Nazirliyinin İncəsənət şöbəsinin müdiri İsmayıl Hüseynov çıxışında Əli Usubovun həyat və yaradıcılığından geniş danışıb.
Daha sonra yubiley münasibətilə Əli Usubovun quruluş verdiyi böyük bəstəkar, SSRİ xalq artisti Rauf Hacıyevin bu yaxınlarda premyerası anşlaqla keçən "Qafqazlı qardaşqızı" operettası nümayiş olunub.
Qeyd edək ki, bir çox dövlət tədbirlərinə də quruluş verən Əli Usubovun hazırladığı opera və operettalar Moskva Böyük Teatrı ilə yanaşı, Ukrayna, Türkmənistan, Gürcüstan, Qazaxıstan, Tacikistan, Özbəkistan və digər MDB ölkələrinin teatrlarında uğurla nümayiş olunub. O, dahi bəstəkar Üzeyir Hacıbəylinin "Arşın mal alan" operettasının ilk quruluşunun 100 illiyi ilə əlaqədar TÜRKSOY-un sifarişi ilə bu əsərə rejissorluq edib.
Tarix
2015.10.06 / 22:05
|
Müəllif
Nigar An
|