Oktyabrın 8-dən 10-dək Türkmənistanın Mərv (Marı) şəhərində TÜRKSOY-a daxil olan ölkələrin Teatr Direktorları Şurasının toplantısı keçiriləcək.

Axar.az xəbər verir ki, toplantıda ölkəmizi Azərbaycan Dövlət Akademik Milli Dram Teatrının direktoru, professor İsrafil İsrafilov təmsil edəcək. Bu, türkdilli ölkələrin milli teatr rəhbərlərinin üçüncü toplantısıdır.

Qeyd edək ki, bu il Türkmənistanın Mərv şəhəri "Türk dünyasının mədəniyyət paytaxtı" elan olunub. Toplantıda türkdilli ölkələr arasında teatr sahəsində işbirliyi, TÜRKSOY-un elan etdiyi "Haldun Tanər ili" çərçivəsində həyata keçirilən işlər, qardaş teatrlar arasında repertuar mübadiləsi və digər məsələlər müzakirə ediləcək. Həmin tarixdə Mərv Dövlət Teatrında TÜRKSOY-a üzv ölkələrin teatr tamaşalarına baxış da olacaq.