Mənə elə gəlir, artıq söhbətlər səngiyib.

Bu sözləri APA-ya müsahibəsində Akademik Milli Dram Teatrının rejissoru, xalq artisti Mərahim Fərzəlibəyov deyib:

"Teatrda bəzi qruplar var idi ki, onlar baş rejissor tələb edirdilər. Fikir ayrılığı bundan ibarət idi. Qalmaqallar baş rejissor təyinatı gecikdiyi üçün uzandı. Amma artıq bizim görkəmli rejissorumuz Azər Paşa Nemət baş rejissor və bədii rəhbər vəzifəsinə təyin olunub. Mənə elə gəlir, artıq bütün söhbətlər səngiyib, daha heç kim heç nə deyə bilməz. Çünki teatrda baş rejissor var, işlər öz məcrasında davam edir, yaxşı əsərlər tamaşaya qoyulacaq".

Xatırladaq ki, uzun müddətdir, Azərbaycan Dövlət Akademik Milli Dram Teatrında baş verən qalmaqallar, xüsusilə, aktyorların teatrın direktoru İsrafil İsrafilovdan şikayəti ilə bağlı məsələlər həllini tapmır.