Ağdam Dövlət Dram Teatrında iki yeni tamaşanın premyerası olacaq.

Teatrdan Axar.az-a verilən məlumata görə, "Qaçaq qocalar" və "Bostan müqəvvası" tamaşaları üzərində məşqlər gedir. "Qaçaq qocalar" tamaşası Elçin Hüseynbəylinin eyniadlı ikihissəli pyesi əsasında hazırlanır.

Sərvər Əliyevin müəllifi olduğu "Bostan müqəvvası" tamaşası alleqorik janrdadır, uşaqlar üçün nəzərdə tutulub. Hər iki tamaşaya Ağdam Dövlət Dram Teatrının baş rejissoru Sərvər Əliyev quruluş verib.

Teatrdan verilən məlumata görə, "Qaçaq qocalar" tamaşası noyabrın sonlarında, "Bostan müqəvvası" isə dekabrın 1-ci ongünlüyündə hazır olacaq.