Dekabr ayında Akademik Milli Dram Teatrında Azərbaycan professional teatrının banilərindən biri, əməkdar incəsənət xadimi Cahangir Zeynalovun 150 illik yubiley tədbiri keçiriləcək.

Teatrın mətbuat katibi Cavid Zeynallının Axar.az-a verdiyi məlumata görə, Mədəniyyət və Turizm Nazirliyində hazırlanan tədbirlər planında Cahangir Zeynalovun Akademik Milli Dram Teatrında yubiley tədbirinin keçirilməsi də nəzərdə tutulub. "Cahangirdən Cahangirə" adlı bədii layihə üzərində iş aparılıb.

Layihə çərçivəsində yubilyarın nəvəsi, əməkdar incəsənət xadimi Cahangir Novruzovun rejissorluğu ilə A.P.Çexovun "Qu quşunun nəğməsi" əsəri əsasında tamaşa hazırlanıb.

Baş rolda C. Novruzov özü çıxış edəcək.