Yaxın günlərdə Azərbaycan Dövlət Gənc Tamaşaçılar Teatrında yeni tamaşanın məşqlərinə start veriləcək.

Teatrın mətbuat xidmətindən Axar.az-a verilən məlumata görə, Yaradıcılıq işlərinə başlanılacaq növbəti səhnə əsəri yeni il üçün nəzərdə tutulub. Hər il olduğu kimi bu dəfə də teatr öz azyaşlı tamaşaçılarını və məktəbli dostlarını əyləncəli, hədiyyə və surprizlərlə dolu maraqlı yeni il şousu və tamaşası ilə qarşılayacaq.

Əməkdar artist Nicat Kazımovun quruluşunda təqdim olunacaq "Mauqlinin yeni ili" adlı yeni il tamaşası rəngarəng geyimləri, musiqisi və səhnə tərtibatı ilə azyaşlı tamaşaçılarımızın yeni il tətilinə əvəzolunmaz hədiyyə olacaq.

Sürprizlərlə zəngin əyləncəli bayram proqramı və yeni tamaşa dekabr ayının 25-dən, 2016-cı il yanvar ayının 4-dək saat 12:00, 14:00, 16:00, 18:00-da nümayiş etdiriləcək.