09:44

Rusiya-Ukrayna müharibəsində daha bir azərbaycanlı həlak olub, ikisi isə itkin düşüb.

Axar.az xəbər verir ki, bu barədə hərbi bloger Tofiq Şahmuradov Feysbuk hesabında məlumat yayıb.

O bildirib ki, Cəlilabad rayon sakini Elnur Aydın oğlu Mirismayılzadə Rusiya-Ukrayna münaqişəsində həlak olub. O, Rusiya Müdafiə Nazirliyinin "Əhməd Sever" hərbi birləşməsində döyüşüb:

“Lənkəran rayonunun Xanbulan kənd sakini Anar Nurməmməd oğlu Cabbarov və Sumqayıt şəhər sakini Bəhlul Zülfüqar oğlu Abbasov isə itkin düşüblər. Onlar Rusiya tərəfdən döyüşlərdə iştirak edib.

A.Cabbarov 4 aydır itkin düşüb. Sonuncu dəfə 4 ay əvvəl ailəsi ilə danışıb, ondan sonra onunla əlaqə kəsilib.

B.Abbasovun isə sonuncu dəfə Çasov Yar yaşayış məntəqəsi istiqamətində gedən döyüşlərdə iştirak etdiyi haqqında məlumat var”.