2026-cı ildə Rusiya-Ukrayna müharibəsində yeni dövr başlanacaq. Azərbaycanda da dövlətə xəyanət səbəbi ilə ağlagəlməyən həbslər gözlənilir.

Axar.az xəbər verir ki, bu sözləri Modern.az-a tanınmış astroloq Səbuhi Rəhimli deyib.

O qeyd edib ki, gələn ilin birinci yarısında Zəngəzur dəhlizi açılmayacaq:

“Çox adam deyir, fevral-mart aylarında sülh müqaviləsi imzalana bilər. Amma ilin birinci yarısı üçün bu gözlənilmir.

2026-cı ilin ilk aylarını Rusiya-Ukrayna müharibəsində böyük atəşkəs dövrü hesab etmək olar. Müharibə dayanmasa da, silahlar susacaq. Yəni bu dörd ildə olduğu kimi müharibənin çılğın, aqressiv dövrü davam etməyəcək.

Növbəti ildə Azərbaycanda həbs dalğaları gözlənilir. Bu, fevral ayından mayın sonuna qədər davam edəcək. Məcazi mənada mən bunu “Prezident İlham Əliyevin etdiyi çevriliş” adlandırıram.

Ciddi həbslər fonunda cəmiyyəti çaşdıracaq sensasion adlar eşidiləcək. Eyyubovların həbsi də bundan xəbər verir”.