Mən yeganə adamam ki, onun evinə girməyə ixtiyarım vardı. Bütün ailə məclisləri, ad günləri... Və sənə deyim, bu məclislərin heç biri dəbdəbəli olmurdu. Qətiyyən dəbdəbə sevən deyildi. Çox sadə. Özü və ailəsi, vəssalam.

Axar.az xəbər verir ki, bunu Report-a müsahibəsində Ulu öndər Heydər Əliyevin şəxsi fotoqrafı olmuş Rafiq Bağırov deyib.

“Heydər Əliyevin istirahət günləri çox az idi. Mən sizə tam səmimi və real bir faktı deyim ki, on il ərzində onun, uzağı, beş-altı gün istirahət elədiyini görmüşəm. Çox ağır, sıx iş qrafiki vardı. Səhər 10-da işə gəlirdi, gecə saat 11-12-yə qədər işləyirdi”, - deyə o bildirib.