15:40

Bakı şəhəri, Yeni Günəşli qəsəbəsində zəncirvari yol-nəqliyyat hadisəsi baş verib.

Axar.az Oxu.az-a istinadla xəbər verir ki, hadisə nəticəsində yeddi nəqliyyat vasitəsi toqquşub.

Bakı Şəhər Dövlət Yol Polisi İdarəsinin (BŞDYPİ) bölmə rəisi, polis mayoru Toğrul Nəsirli bildirib ki, hadisə nəticəsində üç nəfər xəsarət alıb:

"İyunun 9-u saat 12 radələrində Bakı şəhəri, Suraxanı rayonu, Yeni Günəşli qəsəbəsində 99 NQ 646 dövlət nömrə nişanlı "Mersedes-Benz" markalı avtobus, 90 MN 355 dövlət nömrə nişanlı "Mersedes-Benz" markalı minik avtomobili, 99 FY 794 dövlət nömrə nişanlı "Ford" markalı nəqliyyat vasitəsi, 77 BU 120 dövlət nömrə nişanlı "Mersedes Sprinter" markalı nəqliyyat vasitəsi, 88 BM 460 dövlət nömrə nişanlı "Şevrolet" markalı avtomobil, 90 BV 008 dövlət nömrə nişanlı "Çanqan" markalı avtomobil, 90 RA 349 dövlət nömrə nişanlı "Mersedes-Benz" markalı avtomobil toqquşub. Qəza nəticəsində 90 MN 355 dövlət nömrə nişanlı "Mersedes-Benz" markalı minik avtomobilinin sürücüsü Məhəmməd Mübariz oğlu Zeynalov, həmin nəqliyyat vasitəsindəki sərnişin Elçin Vaqif oğlu Sultanəliyev, 77 BU 120 dövlət nömrə nişanlı "Mersedes Sprinter" markalı nəqliyyat vasitəsinin sürücüsü Vüqar Eyvaz oğlu Abdullayev xəsarət alıb.

Faktla bağlı Suraxanı Rayon Polis İdarəsində araşdırma aparılır".