Azərbaycan polisi nümunəvi davranış göstərərək bir uşağın həyatını xilas edib.

Qaynarinfo.az xəbər verir ki, Məhəmməd Şahin oğlu Sadiqov saat 21:30 radələrində atası Şahin Sadıqovun idarə etdiyi avtomobildə olan zaman sudurqa keçirib. Hadisə Zarat postu yaxınlığında baş verib.

Uşağın vəziyyətinin ağırlaşdığını görən Baş Dövlət Yol Patrul Xidmətinin inspektoru, polis serjantı Ramil Vidadi oğlu Allahverdiyev ona ilkin yardım göstərdikdən sonra xidmətdə olduğu avtomobilə qoyaraq, Siyəzən rayon xəstəxanasına çatdırıb. Polis əməkdaşı bununla uşağın həyatını xilas edib.

Məlumatı uşağın atası Şahin Sadıqov verib.