Son vaxtlar Urmu gölündə havaların istiləşməsi və suyun buxarlanmasının şiddətlənməsi ilə əlaqədar su səviyyəsinin tarazlığı daha da aşağı düşüb.

Axar.az xəbər verir ki, Urmu gölünün 90 faizdən çoxu artıq quruyub, prosesin belə davam edəcəyi təqdirdə 15 milyondan çox insanın həyatı ciddi təhlükə ilə üzləşəcək. Bu barədə hətta yerli məsullar, xüsusi ilə də millət vəkilləri dəfələrlə ölkə rəhbərliyinə xəbərdarlıq ediblər.

İran hökumətinin bəzi məsulları isə məsuliyyətsiz açıqlamalar verərək Urmu gölündə vəziyyətin yaxşılaşdığını iddia edirlər. Ötən günlərdə İran Ətraf Mühit Təşkilatının rəisi xanım Məsumə İbtikar Urmu gölünün dərin yerlərindən çəkilən videonu Tvitter səhifəsində yayaraq Ruhani hakimiyyətinin səyi nəticəsində Urmu gölünün yenidən həyata döndüyünü iddia edib.

Ətraf Mühit Təşkilatı rəisinin bu iddiası azərbaycanlı internet istifadəçiləri və bəzi yerli məsulların kəskin etirazına səbəb olub.

Urmu gölünün son vəziyyəti ilə bağlı görüntüləri özündə əks etdirən fotoları təqdim edirik: