Ana səhifə Toplum |
Hazırda pensiyada olan, keçmiş nazir Əli Nağıyevin qardaşı, uzun müddət polis rəisi işləmiş Nazim Nağıyev "Moderator.az"a geniş müsahibəsində maraqlı açıqlamalar verib.
Nazim Nağıyev deyib ki, müstəqilliyin ilk illərində Heydər Əliyevin namizədliyinin qarşısını almaq üçün yaş senzi məsələsi gündəmə gətiriləndə və Heydər Əliyevin adını çəkmək belə qadağan olunanda, onun şəklini kabinetimdən asmışdım:
"Məhərrəm Əliyev də mənim kimi Heydər Əliyevin portretini çəkinmədən kabinetində divardan asan adam olub. Hətta yadımdadır, o, "Qara şəhər"də bölmə rəisinin müavini olarkən İsgəndər Həmidovun Naxçıvandan gətirdiyi Seyid adlı bir rəis vardı, onunla bu portretə görə savaşmışdı da. Aralarında çox ciddi insident olmuşdu, Məhərəm ona stul-zad atmışdı. O vaxt mən DİN-də idim, məsələyə müdaxilə etdim və Məhərrəmi sakitləşdirdim ki, bu portreti kabinetindən asmağa haqqın var, amma bir qədər təmkinli davranmalıydın. Deməyim odur ki, Məhərrəm Əliyev də Heydər Əliyevi sevən adam olub və heç nədən çəkinmədən bunu nümayiş etdirib".
Tarix
2014.06.20 / 11:02
|
Müəllif
Axar.az
|