Bakı Metropoliteni QSC-nin ölkənin aparıcı ali təhsil müəssisələri ilə əməkdaşlığı çərçivəsində Azərbaycan Dövlət Neft və Sənaye Universitetinin bir qrup tələbəsi Bakı Metropolitenində istehsalat təcrübəsinə cəlb olunub.

QSC-dən Axar.az-a verilən məlumata görə, ADNSU-nun İnformasiya texnologiyaları və idarəetmə fakültəsində metrologiya ixtisası üzrə təhsil alan 25 tələbəyə Metropolitenin Diaqnostika və metroloji təminat mərkəzinin bazasında yaradılmış şəraitdən faydalanması üçün imkan yaradılıb.

İstehsalat təcrübəsi prosesinin daha səmərəli təşkili məqsədilə tələbələr 2 qrupa bölünüblər. Praktik məşğələlər qarşılıqlı razılaşmaya uyğun olaraq, hazırlanmış proqrama əsasən, iki ay davam edəcək.