Ana səhifə Toplum |
Sərnişin dolu marşrutu sərxoş halda idarə edən sürücülük hüququ olmayan sürücü qanundakı boşluqlara görə məsuliyyətdən can qurtara bilir.
Axar.az xəbər verir ki, bu sözləri hüquqşünas Ərşad Hüseynov qanunlardakı bəzi qüsurların olması ilə bağlı danışarkən deyib.
Qanunlarımızdakı qüsurlararın bəzi hallarda hər şeyi iflic edir. Cəza almalı adam qanundakı boşluğa görə cəzasız qala bilir. İnzibati Xətalar Məcəlləsinin 334.4-cü maddəsi sürücülük hüququ olmayan sərxoş şəxsin avtobusu sərnişinlər ola-ola idarə etməsinə görə 1 aydan 2 ayadək həbs nəzərdə tutur. DYP əməkdaşları belə bir fakt aşkarlayırlar, protokol tərtib edərək işi məhkəməyə verirlər (bu işə yalnız məhkəmə baxa bilər).
Hakim araşdıranda görür ki, bu adam 2-ci qrup əlildir. İnzibati Xətalar Məcəlləsinin 30.2-ci maddəsi isə konkret olaraq 2-ci qrup əlili inzibati qaydada həbs etməyi qadağan edir. Hakim tanışım deyir ki, indi mən nə edim? Məsləhət verdim ki, məsuliyyətdən azad et, getsin gəzməyinə, çünki sanksiyanı dəyişmək də nəzərdə tutulmur. O da elə belə də edib. Yəni qanundakı qüsura görə belə bir təhlükəli əməli törədən adam tam məsuliyyətdən kənar qalır”, - ekspert bildirib.
Tarix
2017.12.14 / 08:15
|
Müəllif
Nigar
|