Akademik Həsən Əliyevin 110 illik yubileyi ilə əlaqədar tədbir keçirilib

Akademik Həsən Əliyevin 110 illik yubileyi ilə əlaqədar Ekologiya və təbii sərvətlər naziri Hüseyn Bağırov və nazirliyin əməkdaşları Fəxri Xiyabanı ziyarət ediblər.

Nazirlikdən Axar.az-a verilən məlumata görə, nazir və nazirlik əməkdaşları mərhum prezident Heydər Əliyevin, akademik Zərifə xanım Əliyevanın və görkəmli alim, əməkdar elm xadimi Həsən Əliyevin xatirəsini yad edib, məzarı önünə əklil qoyublar. Sonra

nazirliyin inzibati binasında H.Əliyevin 110 illik yubileyinə həsr olunmuş tədbir keçirilib. Tədbiri giriş sözü ilə açan nazir H.Bağırov dünya şöhrətli alimin ekologiya elminə verdiyi müstəsna xidmətlərindən danışıb.

Tədbir iştirakçılarına akademikin həyat yoluna dair film nümayiş olunub.

Sonda 5 nəfər əməyinin qiymətləndirilməsi məqsədilə ETSN tərəfindən təsis olunmuş “Ekologiya və ətraf mühitin mühafizəsi sahələrində əldə etdikləri nailiyyətlərə görə akademik Həsən Əliyev adına mükafat”la təltif edilib.

Qeyd edək ki, Akademik Həsən Əliyevin 110 illik yubileyi ilə əlaqədar nazirlik Qala-Türkan yolunun ətrafında ağacəkmə aksiyası keçirmişdi. 7 hektar ərazidə 4500 ədəd badam ağacının əkildiyi aksiyada nazir Hüseyn Bağırov da iştirak etmişdi.