Rusiyanın Suriyada sülh yaratmaq təşəbbüslərini məmnunluqla qarşılayırıq, ancaq bu ana qədər Soçidə keçiriləcək Suriya Milli Dialoq Konqresinə dəvət almamışıq.

Axar.az xəbər verir ki, bu barədə Suriya kürdlərinin Moskvadakı nümayəndəsi Rodi Osman danışıb.

“Biz sözügedən kürdlərin kim olduğunu bilmirik. Kimin dəvət edildiyindən xəbərimiz yoxdur. Rusların təşəbbüslərini həmişə müsbət olaraq dəyərləndirmişik, ancaq hazırda Soçidəki konqresdə iştirakın bir anlamı yoxdur. İndi bir müharibə gedir və bizim üçün müdafiə daha önəmlidir”, - Osman deyib.

Rodi Osman həmçinin son olaylardan sonra Türkiyə ilə eyni masa arxasında oturmaq istəmədiklərini açıqlayıb.

Qeyd edək ki, Rusiyanın Xarici İşlər naziri Sergey Lavrov kürdlərin Soçidə keçiriləcək Suriya Milli Dialoq Konqresinə dəvət aldıqlarını bildirmişdi.