Milli dəyərlərə xüsusi diqqətilə seçilən mobil operator “Nar” Qurban bayramı münasibətilə abunəçilərinə 100 dəqiqə hədiyyə edir.

Axar.az xəbər verir ki, bonus dəqiqələri əldə etmək üçün Nar abunəçiləri *777#2223# şifrəsini yığmalıdır.

Təqdim olunan bonuslar 22 avqust tarixində aktivləşəcək və şəbəkədaxili zənglər üçün sərf olunacaq. Bonus dəqiqələr bayram günlərinin sonuna qədər aktivdir. Bu kampaniya bütün fərdi Nar nömrələrinə aiddir və kampaniyaya qoşulmaq tamamilə ödənişsizdir.

“Qurban bayramı” və digər kampaniyalar haqqında ətraflı məlumatı nar.az saytında əldə edə bilərsiniz.

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayıb. “Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə vermişdir. Hazırda “Nar” şəbəkəsi ölkə ərazisinin 93%-ni əhatə edir və 6500-dən artıq baza stansiyası ilə 2,1 milyondan çox abunəçiyə yüksəkkeyfiyyətli xidmət göstərir. “P3 Communications” tərəfindən 2017-ci ildə keçirilmiş şəbəkə sınaqları nəticəsində Nar şəbəkəsi “ən yaxşı mobil zəng xidməti” göstərən şəbəkə olaraq tanınmışdır.