"Bakcell" şirkəti 31 Dekabr-Həmrəylik günü və Yeni İllə əlaqədar olaraq əlavə tədbirlər planı hazırlayır.

Axar.az xəbər verir ki, bu sözləri jurnalistlər üçün keçirilən "Mobil telekomunikasiyaya giriş" adlı təlimdə şirkətin şəbəkə problemlərinin araşdırılması və dəstək xidmətinin rəhbəri Oruc Sadıqov deyib. O bildirib ki, şirkət bayram günlərində gücləndirilmiş iş rejimində fəaliyyət göstərəcək:

"Biz müştərilərin ehtiyaclarını təmin etmək məqsədilə mobil şəbəkəni nəzarətdə saxlayırıq ki, daim saz vəziyyətdə olsun".

Şirkət nümayəndəsi onu da qeyd edib ki, Bakcell LTE şəbəkəsi 45 region mərkəzində əhalinin istifadəsinə verilib:

"Bakı-Abşeron yarımadası ilə yanaşı regionlarda yaşayan abunəçilərimiz də yüksək sürətli internet xidmətindən istifadə edə biləcəklər. Xidmətdən yararlanmaq üçün abunəçilərin sim kartlari ve mobil cihazları 4G texnologiyasını funksional olaraq dəstəkləməlidir".