Ana səhifə Toplum |
Artıq sığorta şirkətləri də "Asan imza" mobil elektron imza xidmətinə qoşulur.
Axar.az xəbər verir ki, ilk belə addımı "PAŞA Həyat Sığorta" atıb və "Asan imza"nın tətbiqinə başlayıb.
Şirkətin ictimaiyyətlə əlaqələr xidmətinin yaydığı məlumata görə, mövcud müvafiq e-xidmətlə yanaşı, fiziki və korporativ müştərilər yeni mobil elektron imza xidmətindən istifadə etməklə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə rahat və təhlükəsiz şəkildə yeni sığorta şəhadətnamələri əldə edə, həmçinin mövcud müqavilələrin yenilənməsinə dair əməliyyatlar apara bilərlər.
Qeyd edək ki, "Asan imza" mobil elektron imza – mobil telefonu rəqəmsal şəxsiyyət vəsiqəsi və imza vasitəsi kimi istifadə etməyə imkan verən texnologiyadır. "Asan imza" texnologiyasının əsas cəhəti smart kartın oxunması üçün əlavə qurğuların və proqram təminatının istifadəsinə ehtiyacın olmamasıdır.
Tarix
2015.02.05 / 00:20
|
Müəllif
Nigar İxtiyarqızı
|