15 saylı Yasamal birinci seçki dairəsindən lider olan Ülvi Quliyev onunla eyni dairədən namizəd olan Müsavat Partiyasının başqanı Arif Hacılı və Azərbaycan Demokrat Partiyasının sədri Sərdar Cəlaloğlunun topladığı ümumi səsdən 8 dəfə çox səs toplayıb.

Axar.az xəbər verir ki, hətta Ü.Quliyevin bir məntəqədən yığdığı səs A.Hacılı ilə S.Cəlaloğlunun bütün məntəqələr üzrə yığdığı səsdən çox olub.

Belə ki, Müsavat başqanı Arif Hacılıya 31 məntəqədən ümumilikdə 288 səs verilib. ADP sədri S.Cəlaloğluna isə 29 məntəqədən 189 səs verilib. İki məntəqədə isə S.Cəlaloğluna ümumiyyətlə bir nəfər də səs verməyib.

Ü.Quliyev isə 31 məntəqə üzrə ümumilikdə 4071 səs yığıb. Ü.Quliyevə hətta bir məntəqədə 436 səs verilib.