Ölkəmizdə faraş, yəni tez yetişən yazlıq meyvələr artıq çiçək açıb.

Axar.az Xəzər TV-yə istinadla xəbər verir ki, Bakı kəndlərindən birində fəaliyyət göstərən istixanada ərik, alça, şaftalı, nektarin və üzüm əkilib. Həmin ağaclar yaxın vaxtlarda meyvə verəcək. Bu, qiymət baxımından da daxili bazara təsirsiz ötüşməyəcək.

Təsərrüfat sahibi Mürvət Həsənlinin sözlərinə görə, bağdakı ağaclara xüsusi qulluq göstərilir. Bu səbəbdən istixanadan bol məhsul götürülməsi planlaşdırılır ki, bu da bazardakı nübar meyvələrin ucuzlaşmasına təsir edə bilər.

İstixanada ilk dəfə gilas ağacları əkilib. Bu ağacların 3 ildən sonra məhsul verəcəyi gözlənilir. Gələcəkdə meyvə növlərinin genişləndirilməsi planlaşdırılır.