Axar.az
Yuxarı

Axar.Az Logo

Azərbaycanda ölüm hökmü haqda dəhşətli faktlar - Məxfi

Ana səhifə Toplum
12 Punto 14 Punto 16 Punto 18 Punto

Ölüm hökmünü icra edənlər arasında o otağa ayıq başla girən olmurdu. Tam məxfi 2 nömrəli əmrə əsasən hər icra vaxtı ölüm hökmünü icra edən şəxsə bir stəkan 200 qramlıq spirt verilməli idi.

Axar.az xəbər verir ki, bu sözləri Bayıl həbsxanasının sabiq əməkdaşı Şahin Məmmədov əməkdar jurnalist Mübariz Əsgərovun hazırladığı “Ölüm hökmü-Ömürlük cəza” sənədli filmində deyib.

1998-ci ilin fevral ayından etibarən Azərbaycanın mərhum prezidenti Heydər Əliyevin qərarı ilə ləğv edilən ölüm hökmünün qüvvədə olduğu illərdə onun icra edilməsindən danışan Ş.Məmmədov bildirib ki, hökm icra edilməzdən əvvəl ölümə məhkum edilmiş şəxsdən son sözü, son arzusu, demək istədiyi, etiraf etmək istədiyi sözlər soruşulur və qeyd edilirdi:

“Ölüm hökmünü icra edənlər isə manqurt vəziyyətində olurdular. Gördüyünü bir də yadına salmamaq üçün onlar o vəziyyətdə olurdular. Ölüm hökmünü icra edənlər arasında o otağa ayıq başla girən olmurdu. Tam məxfi 2 nömrəli əmrə əsasən hər icra vaxtı ölüm hökmünü icra edən şəxsə bir stəkan 200 qramlıq spirt verilməli idi. Bu ona görə verilirdi ki, icraçı həm qorxmasın, həm çəkinməsin, həm yazığı gəlməsin, həm də ən əsası ağlında bir şey qalmasın”.

Ş.Məmmədov bildirib ki, ölüm hökmünə məhkum edilənlərin bəziləri bir güllə ilə, bəziləri isə bir neçə güllə ilə ölürdü:

“Bəzi məhkumların ölməsinə bir güllə kifayət edirdi. Bəzilərinə isə bir daraq istifadə edilirdi. Öldüsə, həkim otağa girib baxırdı və onlar öz işlərini görürdülər. İcraçılar da onu maşına qoyub aparırdı”.

Sabiq həbsxana əməkdaşı bildirib ki, öldürülənlərin cəsədləri ailələrinə verilmir və naməlum yerlərdə basdırılırdı:

“Ölüm hökmü verilmiş şəxslərin başında güllə izləri olur. Bəlkə o ailə övladını götürüb qəhrəman kimi dəfn edəcək. Həmçinin ailə meyitin, kəllə hissəsinin şəkillərini dünya ictimaiyyətinə yaya bilərdi. Bu da SSRİ-nin imicinə zərbə idi. Dünya xəbər tuta bilərdi ki, SSRİ-də bu vəhşiliklər var. Bu səbəbdən güllələnmə tam məxfi saxlanılırdı”.

Ş.Məmmədov bildirib ki, axırıncı fərmana qədər Ayna Sultanova da daxil olmaqla, ölüm hökmü alanların hamısı Bayıl həbsxanasının 5-ci korpusunun zirzəmisində güllələnib.

Xatırladaq ki, Azərbaycanda ölüm hökmü 1998-ci ilin fevralında mərhum prezident Heydər Əliyevin qərarına əsasən ləğv edilib.

Tarix
2020.02.17 / 17:34
Müəllif
Nigar İxtiyarqızı
Şərhlər
Digər xəbərlər

Bu şəxslərin nəzərinə: SMS gəlməyə bilər

Bakıda doğuş zamanı əkizlər öldü

Ramazanın 23-cü günü: duası, imsak və iftar vaxtı

Müəllimlərin diqqətinə: "Vətəndaş saatı" olacaq

AQSİA üzvləri Pakistan səfiri ilə görüşdü - Foto

9 May ərəfəsi ermənilər faşizmə sevgilərini göstərdilər - Video

Bayram Məmmədov İstanbulda necə boğulub? - Türkiyə KİV

Nazir bu mərkəzin rəisini işdən çıxardı

Nəsimi Nəbizadə həbs edilib? – DİN-dən açıqlama

ADU-da qanvermə aksiyası keçirildi - Foto

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla
1xBet