Dünən axşam Bakı caz mərkəzində "Azərbaycan Amerika günləri" layihəsi çərçivəsində 5 günlük ziyafət tədbirinin açılışı olub.

Axar.az əməkdaşının tədbirdən əldə etdiyi məlumata görə, ayın 11-i başlayan tədbir proqramı ayın 14-ə qədər davam edəcək.

Tədbir Amerikanın Azərbaycan səfiri Robert Sekutanın çıxışı ilə başladı. Səfir bildirdi ki, Amerika günlərinin Azərbaycanda keçirilmə məqsədi Amerika mədəniyyətinin müxtəlifliyini Azərbaycan vətəndaşlarına nümayiş etdirmək və ölkələr arasındakı qarşılıqlı anlaşmanı genişləndirməkdir.

Amerika mədəniyyətini təmsil edən bir qrup nümayəndə Bakı şəhərində "Amerika mənim gözlərimlə" adlı əl işləri sərgisi keçirməyi planlaşdırır.

Həmçinin 5 günlük proqrama Amerika filmlərinin nümayişi daxildir.

Tədbir Azərbaycanın bir sıra regionlarında: Quba, İsmayıllı, Qəbələ, Sumqayıt, Mingəçevir, Naxçıvan və Şəkidə davam edəcək.

Açılış mərasimində qonaqlar tərəfindən ən maraqlı və coşqu ilə qarşılanan məqam gənc xanəndə Mirələm Mirələmovun ifasında səslənən "Ay Laçın" xalq mahnısının Amerika "Sfinks" klassik musiqiçilərinin müşayiəti ilə təqdim etməsi oldu. Musiqiçilər gözəl ifa təqdim etmək üçün bir neçə saat fasiləsiz məşq etdiklərini vurğuladılar.