Ana səhifə Toplum |
Son günlər yol hərəkəti qaydalarını pozanların sayı azalıb. Karantin rejimi elan olunandan ən az hərəkət iştirakçısının məsuliyyətə cəlb edildiyi gün dünən olub.
Bu sözləri Axar.az-a Bakı Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev məsuliyyətə cəlb edilən sürücülər barədə danışarkən deyib.
K.Əliyev bildirib ki, dünən cəmi 486 şəxs karantin rejimi qaydalarını pozduğu üçün məsuliyyətə cəlb edilib:
“Ancaq ümumilikdə aprelin 1-dən bu günə qədər karantin rejiminin pozulmasına görə məsuliyyətə cəlb edilən şəxslərin sayı 47 963 nəfərdir”.
Yollarda müşahidə olunan seyrəklikdən də danışan K.Əliyev bildirib ki, Bakı son günlər 80-90-cı illər əvvəllərini yaşadı:
“Yollarda seyrəklik var. Ancaq yollardakı ənənəvi tıxaclar üçün darıxanlar da tapılır. Təbii ki, hərəkət iştirakçıları artdıqca, sıxlığın yaranması normaldır. Çünki şəhərdə ən çox sərnişin daşıma qabiliyyətinə malik metro hələ də fəaliyyətini bərpa etməyib. Belə olduğu halda yolda sıxlıq yaranması normaldır”.
Tarix
2020.05.05 / 13:05
|
Müəllif
Nigar İxtiyarqızı
|