Bakı sakininin avtomobilini qaçıran şəxs Hacıqabulda qəza törədib.

Axar.az Daxili İşlər Nazirliyinin rəsmi saytına istinadən xəbər verir ki, Elşad Rəfiyevə məxsus VAZ-2106 markalı avtomobil martın 15-də Göyçay sakini Lətif Kərimov tərəfindən qaçırılıb.

Baş Dövlət Yol Polisi İdarəsi əməkdaşları tərəfindən aparılan araşdırmalar zamanı martın 28-də avtomobilin Hacıqabul rayonunun Padar kəndində idarə edilərkən Ağdam sakini Nazim Yolçuyevin idarə etdiyi "KamAZ" markalı avtomobillə toqquşduğu məlum olub.

L.Kərimova xəstəxanada ilkin tibbi yardım göstərildikdən sonra buraxılıb və avtomobil Kürdəmir rayonundakı cərimə meydançasına yerləşdirilib.