Ana səhifə Toplum |
Rusiya Azərbaycanlıları Federal Milli Mədəni Muxtariyyətinin üzvləri Azərbaycan Respublikasının Prezidenti İlham Əliyevə müraciət ünvanlayıb.
Axar.az xəbər verir ki, bu barədə məlumat Fnnkaaz.ru saytında yerləşdirilib.
Azərbaycanlılar İlham Əliyevdən Abbas Abbasova qarşı tədbir görülməsini istəyiblər.
Axar.az müraciətin tam mətnini təqdim edir:
"Hörmətli İlham Heydər oğlu!
Müraciətimizin əsas səbəbi Rusiyada Azərbaycanlıların Federal Milli-Mədəni Muxtariyyəti (AzərRos FMMM) ətrafında son zamanlar yaranmış və təşkilatın bölünməsi ilə nəticələnəcək dramatik vəziyyətdir. Azərbaycan vətəndaşı, Azərbaycan Respublikasının sabiq Baş nazirin müavini Abbas Abbasov və ondan maddi cəhətdən asılı olan tərəfdaşları Rusiya Federasiyasının "Milli-mədəni muxtariyyət haqqında" və "Xarici agentlər haqqında" Federal Qanunları kobud şəkildə pozaraq, "AzərRos" ictimai təşkilatına basqın edib, onu ələ keçirməyə çalışırlar. Biz Rusiya azərbaycanlıları Azərbaycan Respublikasının hüdudlarından kənarda yaşadığımıza baxmayaraq, tarixi vətənimiz ilə bağlı bütün məsələlərə hər zaman böyük hörmət və diqqətlə yanaşırıq. Biz Azərbaycan xalqının ümummilli lideri Heydər Əliyevin vəsiyyətinə riayət edərək, Azərbaycanın milli adət-ənənələrinin, həmçinin Rusiya və Azərbaycan xalqları arasında dostluq və qarşılıqlı anlaşma mühitinin inkişaf etdirilməsi üçün çalışırıq. 2013-cü ildə Azərbaycan Respublikasının vətəndaşı Abbas Abbasov guya sizin onun himayədarı olduğunu və tərəfinizdən Rusiyada "AzərRos"un rəhbəri vəzifəsinə təyin olunmuş adam qismində çıxış edərək, bizi aldatdı. Azərbaycanı və Azərbaycan xalqını Rusiyada 15 il ərzində uğurla təmsil edən ən böyük federal təşkilatlardan biri olan "AzərRos" ona tam şəkildə inanaraq etibar etdi.
"AzərRos" FMMM 1999-cu ildə Rusiyada təsis edilib. Fəaliyyət göstərdiyi illər ərzində sözügedən təşkilat Rusiya Azərbaycan icmasını gücləndirə və vahid mərkəz ətrafında birləşdirə bilib. Lakin Abbas Abbasov verdiyi sözlərini yerinə yetirmədi. Rusiya azərbaycanlılarının birləşdirilməsi və "AzərRos" FMMM ilə digər Azərbaycan təşkilatları arasında qarşılıqlı anlaşma mühitinin artırılması əvəzinə o, şəxsi məqsədləri naminə fitnəkarlıq törədərək, təşkilatı parçalayıb və münaqişə vəziyyətinə gətirib. Şəxsi maraqlarını rəhbər tutaraq, ictimai təşkilatı siyasi bəyanatlar üçün platformaya çevirən A.Abbasov Rusiya azərbaycanlılarını sizə qarşı etibarsızlıq ifadə etməyə çağırır. Onun bütün hərəkətləri Azərbaycanda yaşayan soydaşlarımız tərəfindən "AzərRos" FMMM-yə və bizə, bu təşkilatın üzvlərinə qarşı nifrət yaradırdı.
Yeni rəhbərlik ilə "AzərRos" FMMM üzvlərinin dialoq qurmaq üçün bütün cəhdləri A.Abbasovun mövqeyinə görə heç bir nəticəyə gətirməmişdi. O, təşkilatda avtoritar idarəçilik sistemini yaratmış, rəhbərliyin mövqeyindən fərqli mövqe tutan hamını qovmuş və "AzərRos" FMMM-ni öz cibi üçün işləyən ictimai təşkilata çevirmişdir. 28 fevral 2014-cü il tarixində Rusiya Federasiyası Ədliyyə Nazirliyini aldadaraq, A.Abbasov tərəfdaşları ilə birgə kağız üzərində "AzərRos" FMMM-nin qurultayını keçirmiş, həmin qurultay əsnasında bütün xoşa gəlməyən və sözə baxmayan regional təşkilatlar "AzərRos" FMMM-dən çıxarılmışdılar. 2015-ci ilin əvvəlində tərkibində 40-dan çox təşkilatı birləşdirən Rusiyanın Azərbaycan milli-mədəni muxtariyyətinin daxilində hazırda cəmi 4-ü qalmışdı.
İctimai təşkilatımızın şəxsi maraq nöqteyi-nəzərindən özəlləşdirilməsini və istifadə edilməsini daha rahat izləyə bilmrik. Əvvəlki adını bərpa etmək, böhranı uğurla adlamaq və "AzərRos" FMMM-i qorumaq məqsədilə 17 yanvar 2015-ci il tarixində Rusiyadan 120-dən çox nümayəndənin iştirakı ilə təşkilatın Federal Şura üzvləri və regional liderləri FMMM-nin ümumrusiya növbədənkənar qurultayını keçirdik. Qurultayda muxtariyyətin son iki il ərzində gördüyü işlər qeyri-qənaətbəxş olduğu təsdiq edildi, nümayəndələr "AzərRos" FMMM-nin sabiq sədri Asif Məhərrəmova etibarsızlıqlarını ifadə etdilər və A.Abbasovun başçılıq etdiyi Ağsaqqallar Şurası ləğv olundu. Təşkilatın barışması və birləşməsi məqsədilə nümayəndələr tərəfindən cari ilin 6 mart tarixinə qədər qurultayın işində fasilə elan edildi. Lakin A.Abbasov ümumrusiya azərbaycanlılar qurultayının qərarını saymayaraq və Azərbaycan diasporunun bəzi nümayəndələrini aldadaraq, 20 fevralda tələsik bağlı qapılar arxasında yalnız 4 regional təşkilatın iştirakı ilə öz "qurultayını" keçirdi. Azərbaycanlıları özündən ayırıb Dağıstan döyüşçüləri və polis arxasında gizlənərək o, "AzərRos" Federal Şurasının digər üzvlərini o cümlədən regional və yerli milli-mədəni təşkilatlar nümayəndələrini "qurultaya" buraxmamışdır. Öz hərəkətləri ilə o, Rusiya azərbaycanlılarına və Azərbaycana qarşı nifrətini bir daha təsdiq etdi.
Hörmətli İlham Heydər oğlu!
Regionda hər gün sürətlə dəyişən mürəkkəb geosiyasi vəziyyətdə, Rusiya və ətrafında olan postsovet ölkələrinə bir sıra Qərb ölkələri tərəfindən ciddi təzyiq göstərildiyi zaman biz, Rusiya azərbaycanlıları, millətlərarası sülh və dözümlüyü təmin etmək üçün çalışırıq. 2001-ci ildə Azərbaycan xalqının ümummilli lideri Heydər Əliyev yaşadıqları yerdən asılı olmayaraq, Azərbaycanı bütün dünya azərbaycanlılarının Vətəni adlandırıb. 2011-ci ildə Dünya azərbaycanlılarının III qurultayında çıxış edərək, siz bütün azərbaycanlıları birlik, sülh və öz tarixi vətəninin milli maraqlarını qorumasına çağırdınız. Biz həmişə Heydər Əliyevin vəsiyyətinə riayət edirdik və edirik, və sizin bizə qarşı qayğınızı, diqqətinizi yüksək qiymətləndiririk. Təəssüf ki, A.Abbasov adınızdan istifadə edərək Azərbaycan icmasının nümayəndələrini aldadır və Azərbaycan hakimiyyətinə qarşı etibarsızlıq yaradır. Sabiq Baş nazirin müavini A.Abbasov Azərbaycan Respublikasının vətəndaşı olduğunu nəzərə alaraq, Rusiya Federasiyasının qanunlarını pozaraq, Rusiya ictimai təşkilatını əlinə almağa çalışan və dağıdıcı hərəkətləri ilə Rusiyanın Azərbaycan icmasını parçalayan Azərbaycan Respublikasının vətəndaşı A.Abbasovla bağlı Azərbaycan Respublikasının müvafiq dövlət orqanlarına tədbirlərin görülməsinə dair göstəriş verməyinizi sizdən xahiş edirik".
Dərin hörmətlə,
Abdullayeva M.S., AzərRos FMMM-in üzvü
Abdullayeva E., AzərRos FMMM-in Gənclər birliyi
Abdurəşidov Ş. "Kontinent" MMC
Əvəzov Eldəniz, Moskva vil., Lenin r-nu üzrə MMM
Ağayev Q., Moskva vilayəti üzrə RMMM
Ağamirova L., AzərRos FMMM-in Gənclər birliyi
Əlcanova A., AzərRos FMMM-in Gənclər birliyi
Əliyev Q.M. AzərRos FMMM FŞ-ın üzvü
Allahveridyev T.,
Alıyev A., şair ƏİB "Şəhriyar"
Amanov E.A., RMMM Kaluqa vilayəti
Aslan M., "Kontinetnt" MMC
Əhmədov Q.M. AzərRos FMMM-in üzvü
Əhmədov T.N.
Babayev T.E.
Bəkirova Ş., AzərRos FMMM-in Gənclər birliyi
Hacıyev T.S. ., AzərRos FMMM-in üzvü
Qəmbərov R.A. MMM İvanovo şəhəri
Qarayev İlqar "Kontinent" MMC
Həsənov E.R.
Həsənova Z., AzərRos FMMM-in Gənclər birliyi
Qasımov A., şair ƏİB "Şəhriyar"
Quliyev V., AzərRos FMMM-in Gənclər birliyi
Qurbanov D.B.
Qurbanov S.M. MMMM Luberes r-nu Moskva vil-ti
Hüseynov A., tarix elmləri doktoru, professor
Hüseynov A.İ., RMMM Yaroslav vilayəti.
Hüseynov R.İ., Ulyanovsk şəhəri
Hüseynov F.A., "Kontinetnt" MMC
Gəncəliyev N., RMMM Astraxan vilayəti
Cavadov Ş.D. RMMM Kaluq avilayəti
Cəlalov Ş.D., "Kontinent" MMC
Cəfərli X., AzərRos FMMM-in Gənclər birliyi
Cəfərov Ş., RÜAK Fondu, Moskva şəhəri.
Dövlətov A. AzərRos FMMM-in Gənclər birliyi
Zeynalov A., AzərRos FMMM-in Gənclər birliyi
Zeynalov E.İ., AzərRos FMMM-in Gənclər birliyi
İsrafilov A. N.
Qəlbiyev U.İ.
Məhərrəmov Ə.Y.
Məmmədov A.İ. Krasnoyarsk şəhəri
Məmmədov A. A.
Məmmədov V., publisist ƏİB "Şəhriyar"
Məmmədov R., AzərRos FMMM-in Gənclər birliyi
Məmmədov S., şair ƏİB "Şəhriyar"
Məmmədov E.A.
Məmmədov S.A. MMMM İvanovo şəhəri
Məcidov Y., AzərRos FMMM-in Gənclər birliyi
Mehdiyev A., jurnalist
Mustafayev V.R., RMMM Rostov vilayəti
Rəhimov R.F.
Sadıxov S.K., AzərRos FMMM-in fəxri prezidenti
Səfərov A. S.
Səfərov İ., MMMM Moskva vil-nin Şelkov r-nu
Seyidov A.R. RMMM Surqut şəhəri (XMVD)
Surxayev Z.B., MMMM Mtişi r-nu, Moskva vil-ti
Tağıyev Ş., RÜAK Fondu, Moskva şəhəri.
Xanbabayev E., RÜAK Fondu, Moskva şəhəri.
Xıdırov Y.Y., AzərRos FMMM-in vitse-prezidenti
Şamilov V., AzərRos FMMM-in Gənclər birliyi
Şamilova İ., AzərRos FMMM-in Gənclər birliyi
Yaqubov A.N. MMMM İvanovo şəhəri."
Tarix
2015.04.08 / 18:04
|
Müəllif
Axar.az
|