Paytaxt polisi evdən külli miqdarda pul və zinət əşyaları oğurlayan şəxsləri saxlayıb.

Axar.az Daxili İşlər Nazirliyinin rəsmi saytına istinadən xəbər verir ki, Səbail RPİ 8-ci PB əməkdaşlarının həyata keçirdikləri əməliyyat-axtarış tədbirləri nəticəsində martın 26-da Səyavuş Aslanovun evindən içərisində 18600 manat və qızıl əşyalar olan seyfi oğurlayan Füzuli sakinləri Qasım Qüdrətli və İlqar Aslanov tutulub.

Polis faktla bağlı araşdırmalara başlayıb.

***

Səbail rayonu ərazisində daha bir oğurluq hadisəsi baş verib. Səbail RPİ 9-cu PB əməkdaşlarının həyata keçirdikləri əməliyyat-axtarış tədbirləri nəticəsində martın 27-də Cabir Rəhimovun qızıl boyunbağısını oğurlayan Masallı sakini Feyruz Novruzov tutulub.