Mədəniyyət və Turizm Nazirliyi bu gündən yeni müsabiqə elan edib.

Axar.az xəbər verir ki, nazirlik xalqımızın yüzilliklər boyu yaratmış olduğu yüksək mənəvi-əxlaqi dəyərləri, o cümlədən, folklor, adət-ənənələr, vətənə və torpağa məhəbbət, tolerantlığını və digər milli-mənəvi keyfiyyətləri özündə əks etdirən rəvayət, əfsanə və əsatirlər əsasında sosial çarxların çəkilməsi və bununla mədəni dəyərlərin qorunaraq gələcək nəsillərə çatdırılması təbliğinin həyata keçirilməsi, müvafiq sahədə istedadlı şəxsləri əməkdaşlığa cəlb edərək onların yaradıcılıqlarına dəstək verilməsi məqsədilə 1 may-15 iyun tarixləri arasında "Ən yaxşı sosial çarx ssenarisi" müsabiqəsi keçirir.

Müsabiqədə iştirak etmək istəyənlər üçün yaş məhdudiyyəti yoxdur. Bir müəllif bir neçə ssenari ilə də iştirak edə bilər. Müsabiqənin qaliblərinə pul mükafatları və diplomlar verilir. Bu mükafatlar 7 nəfərdən ibarət münsiflər heyətinin təqdimatı ilə Azərbaycan Respublikası Mədəniyyət və Turizm nazirinin əmrinə əsasən verilir.

Ətraflı məlumatı bu linkdən oxumaq olar.