Ukraynanın Baş naziri vəzifəsinə namizəd göstərilən Yuliya Sviridenko Ukrayna Prezidenti Vladimir Zelenskiyə göstərdiyi etimada görə təşəkkür edib və ölkə tarixinin ən mühüm anlarından birində xidmət etməyə hazır olduğunu qeyd edib.

Axar.az xəbər verir ki, bu barədə Sviridenko Feysbuk hesabında yazıb.

Onun sözlərinə görə, Zelenski yenilənmiş Nazirlər Kabineti üçün üç əsas vəzifəni qeyd edib - iqtisadi potensialın gücləndirilməsi, vətəndaşlara dəstək proqramlarının genişləndirilməsi, öz silahlarımızın istehsalını genişləndirmək.

"Bu vəzifələr əhəmiyyətli deregulyasiya, istənilən bürokratik maneələrin aradan qaldırılması, qeyri-kritik dövlət xərclərinin azaldılması və dövlət institutlarının funksiyalarının təkrarlanmaması, sahibkarlığın qorunması və dövlət resurslarının Ukraynanın müdafiəsi üçün tam cəmlənməsi yolu ilə həyata keçirilə bilər", - Sviridenko qeyd edib.