İyulun 13-də London yaxınlığındakı Southend hava limanında baş verən təyyarə qəzası nəticəsində dörd nəfər həlak olub.

Axar.az xəbər verir ki, bu barədə BBC məlumat yayıb.

Esseks polisinin hadisə ilə bağlı verdiyi açıqlamada ölənlərin hamısının xarici vətəndaş olduğu bildirilib.

Hadisə bazar günü yerli vaxtla saat 16:00-dan az əvvəl baş verib. 12 metrlik “Beech B200 Super King Air” tipli təyyarə havaya qalxdıqdan qısa müddət sonra partlayışla müşayiət olunan qəza baş verib. Şahidlər təyyarənin havaya qalxdıqdan dərhal sonra alışıb yanan bir top kimi partladığını bildiriblər.

Qəza nəticəsində təyyarədə olan iki pilot və iki sərnişin həyatını itirib. Həlak olan şəxslərin adları açıqlanmayıb. Hüquq-mühafizə orqanları onların şəxsiyyətlərini müəyyənləşdirmək üçün araşdırmaları davam etdirir.