Axar.az
Yuxarı

Axar.Az Logo

Qız qalası qırmızı rəngə boyandı - Foto

Ana səhifə Toplum
12 Punto 14 Punto 16 Punto 18 Punto

Martın 24-də saat 20:00-dan 22:00-dək Bakının bir neçə məşhur tikililəri, o cümlədən Bakı Olimpiya Stadionu və 12-ci əsrin tarixi memarlıq abidəsi olan Qız qalası qırmızı rənglə işıqlandırılıb. Binaların üzərində Ümumdünya Vərəmlə Mübarizə Günü ilə bağlı şüarlar nümayiş olunub.

Axar.az xəbər verir ki, məqsəd diqqəti vərəmlə mübarizəyə yönəltməkdir. Stop TB ("Vərəmə son qoyaq") tərəfdaşlığı 2017-ci ildən başlayaraq hər il Ümumdünya Vərəmlə Mübarizə Günü ilə əlaqədar dünyanın müxtəlif şəhərlərində yerləşən tarixi memarlıq tikililərinin, əhəmiyyətli binaların "qırmızı rəngə" boyanması aksiyasını keçirir. Bu il Azərbaycan Vərəm əleyhinə QHT Koalisiyası və "Sağlamlığa Xidmət" İctimai birliyi bu aksiyanın ölkəmizdə də keçirilməsinə təşəbbüs göstərib. Bununla da, vərəmdən əziyyət çəkən insanların ağrı və çətinliklərinə diqqət çəkilib və onlarla həmrəylik nümayiş olunub.

Qeyd edək ki, Ümumdünya Səhiyyə Təşkilatının qərarı ilə hər il martın 24-də Ümumdünya Vərəmlə Mübarizə Günü qeyd edilir. 1882-ci ildə alman mikrobioloqu Robert Kox ilk dəfə vərəmin törədicilərini kəşf edib. 1905-ci ildə alim tibb sahəsində Nobel mükafatına layiq görülüb. 1982-ci ildə Ümumdünya Səhiyyə Təşkilatı və Beynəlxalq Vərəm və Ağciyər Xəstəlikləri ilə Mübarizə İttifaqı vərəmin törədicisi olan Kox çöplərinin aşkarlanmasını 100 illiyi münasibətilə həmin günü təsis ediblər.

Vərəm hava-damcı yolu ilə yayılan xəstəlikdir. Hər il dünyada 10 milyondan çox insan vərəmlə yoluxur və 1,5 milyon insan bu xəstəlikdən ölür. Ötən ilin əvvəllərində dünyada tüğyan edən COVID-19 pandemiyası səbəbiylə vərəmlə mübarizə bir qədər çətinləşib.

Tarix
2021.03.24 / 21:22
Müəllif
Axar.az
Şərhlər
Digər xəbərlər

Tanışını öldürən şəxs saxlanıldı

Yevlax polisi əməliyyat keçirdi: saxlanılan var

Artıq işə qəbul zamanı bu tələb olmayacaq - Video

Azərbaycana yay fəsli gəldi

Dərs ili uzadıldı: bu, könüllüdür, ancaq vacibdir - Ekspert

Van Damm qudası ilə belə oynadı - Video

Baqdasaryan: Sərxoş ermənilər azərbaycanlılara atəş açdı - Video

Xocalıda 2800 ədəd çətənə kolu məhv edildi

Bakıda toz dumanı iki gün davam edəcək - Nazirlik

Dövlət qulluğuna imtahanlar başa çatdı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla