ÜST-nin Azərbaycan Nümayəndəliyi jurnalistlər üçün COVID-19-a dair informativ bələdçini Azərbaycan dilinə tərcümə edərək dərc edib.

Ümumdünya Səhiyyə Təşkilatının Azərbaycandakı nümayəndəliyindən Axar.az-a verilən məlumata görə, bələdçidə ÜST-ün COVID-19 pandemiyası və peyvəndləri ilə bağlı professional xəbər hazırlanması, həmçinin bu zaman jurnalistlərin özlərini necə qoruya biləcəyinə dair tövsiyələrə yer verilib.

Tövsiyələrdə qeyd edilir ki, mətbuat COVİD-19 pandemiyasına qarşı mübarizədə ictimai səhiyyənin önəmli aktorudur. Media insanları mövcud risklərə dair məlumatlandıra və həyat xilas edən kollektiv davaranışları təbliğ edə bilir.

Tövsiyələr Avropa Birliyinin maliyyələşdirdiyi “Sağlamlıq üçün Həmrəylik Təşəbbüsü” layihəsi çərçivəsində hazırlanıb.