Axar.az
Yuxarı

Axar.Az Logo

Rövnəq Abdullayev qocaman neftçini təltif etdi

Ana səhifə Toplum
12 Punto 14 Punto 16 Punto 18 Punto

Qocaman neftçi, Azərbaycan Prezidentinin fərdi təqaüdçüsü Hüseynov Vaqif Qulu oğlu 80 illik yubileyi münasibəti ilə Azərbaycan Dövlət Neft Şirkətinin (SOCAR) “Fəxri neftçi” döş nişanı ilə təltif olunub.

SOCAR-dan Axar.az-a verilən məlumata görə, bu münasibətlə yubilyarı qəbul edib, çoxminli neftçilər ailəsinin təbriklərini ona çatdıran SOCAR-ın prezidenti Rövnəq Abdullayev deyib:

“Hörmətli Vaqif müəllim, Siz Azərbaycan dəniz neft sənayesinin bacarıqlı təşkilatçısı, yüksək ixtisaslı mütəxəssislərindən biri kimi uzun illər Xəzər dənizindəki yataqlardan neftin-qazın çıxarılmasında bilavasitə iştirak etmiş, şərəfli bir yol keçmiş, öz fəaliyyətinizlə hər zaman gənclərə nümunə olmusunuz”.

Qocaman neftçi Vaqif Hüseynov son illərdə ölkə başçısı İlham Əliyev cənablarının rəhbərliyi altında neft, neft-kimya sənayesinin inkişafı istiqamətində görülmüş işlərdən, qazanılmış uğurlardan danışmış, göstərilən diqqət və qayğıya görə təşəkkürünü bildirib, neft-qaz sənayesində çalışan gənclərdən hər zaman hörmət gördüyünü söyləyib.

V.Hüseynov Azərbaycan Sənaye İnstitutunu bitirdikdən sonra ömrünü neft sənayesi ilə bağlayıb. Əmək fəaliyyətinə indiki “Balaxanıneft” Neft Mədənlər İdarəsində operator vəzifəsindən başlamış, sonra həmin İdarədə usta, sahə rəisi işləmişdir. 1969-1679-cu illərdə “Xəzərdənizneft” Birliyində mühəndis, böyük mühəndis, 1979-1988-ci illərdə “Xəzərdənizneftqazsənaye” Ümumittifaq Sənaye Birliyinin birləşmiş dispetçer idarəsinin rəisi, 1988-1991-ci illərdə “Xəzərdənizneftqazsənaye” İstehsalat Birliyinin Mərkəzi Mühəndis Texnoloji Xidmətinin rəisi, 1991-1996-cı illərdə “Neft Daşları” NQÇİ-nin, 1996-2003-cü illərdə “Qum adası” NQÇİ-nin rəisi vəzifələrində çalışmışdır. 2003-2012-ci illərdə “Neftqazelmitədqiqatlayihə” institutunun direktorunun müavini, daha sonra isə müşaviri işləmişdir. V.Hüseynov yalnız istehslatda çalışmaqla kifayətlənməmiş, elmi fəaliyyətlə də məşğul olmuşdur. O, neft-qaz hasilatının sabitləşdirilməsi, artırılması və yataqların işlənməsi istiqamətində qarşıya çıxan problemlərin həllinə yönəldilmiş 30 elmi məqalənin, 4 ixtiranın və 4 kitabın müəllifi, texnika elmləri namizədidir. Hazırda “Neftçilər klubu” İctimai Birliyinin sədri kimi səmərəli fəaliyyət göstərir.

Vaqif Hüseynovun əməyi daim yüksək qiymətləndirilib. O, Azərbaycan Respublikası Prezidentinin fərdi təqaüdünə və “Neft sənayesinin əlaçısı” fəxri adına layiq görülüb, SOCAR-ın Fəxri Fərmanı ilə təltif olunub.

Tarix
2021.05.03 / 16:22
Müəllif
Axar.az
Şərhlər
Digər xəbərlər

Azərbaycan çaylarında son durum açıqlandı

Lənkəranda ağır qəza: Yaralananlar var

Yarım tona yaxın narkotik dövriyyədən çıxarıldı

300-ə yaxın jurnalist peyvənd olundu

Jurnalistə peyvənd vurmayan tibb işçisi cəzalandırıldı

Bakıdakı məktəblər dezinfeksiya olunub? - Rəsmi

Bu gün 17 mindən çox insan peyvənd olundu

Artilleriya bölmələri təyin edilmiş marşrutla hərəkət edir - Video

Şirkət əməkdaşına cinayət işi açıldı

Əməkdar jurnalist vəfat etdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla