Təhsil kreditinə görə faizlərin hesablanması qaydaları yumşaldılıb.

Axar.az xəbər verir ki, bu barədə təhsil nazirinin müavini İdris İsayev açıqlama verib.

“Normativ təhsil müddətində təhsil kreditinə görə faizlərin hesablanması fərqli ola bilər. Tutaq ki, tələbə bakalavr səviyyəsində təhsil alır. 4 illik təhsil müddətində bu, 8 semestr təşkil edir. Bu müddət ərzində tələbə kreditinə görə faizlər hesablanmayacaq. Təhsil müddəti bitdikdən sonra tələbəyə imkan veriləcək ki, o, əmək bazarında işləsin, sahibkarlıq fəaliyyəti ilə məşğul olub gəlir əldə etmiş olsun və krediti qaytara bilsin. Buna görə güzəşt dövrü 2 il müddətinə müəyyənləşdirilib. 2 il ərzində tələbədən kreditin qaytarılması tələb olunmayacaq və faizlər hesablanmayacaq. Əgər həmin dövrdə tələbə əmək fəaliyyəti ilə məşğul olacaqsa, güzəşt dövrü həmin tarixdən dayandırılacaq”, - nazir müavini bildirib.