Baş Prokurorluğun Mətbuat xidmətindən sorğuya cavab olaraq bildirilib ki, Azərbaycan Respublikasının Prezidenti cənab İlham Əliyevin “İşğaldan azad olunmuş ərazilərdə yeni hərbi prokurorluqların yaradılması haqqında” 1 aprel 2021-ci il tarixli Sərəncamına əsasən Qubadlı və Kəlbəcər Hərbi Prokurorluqları yaradıldıqdan sonra Baş prokuror Kamran Əliyevin müvafiq əmrləri ilə qeyd olunan hərbi prokurorluqların struktur və ştat tərkibi müəyyən edilib.

Baş Prokurorluqdan Axar.az-a bildirilib ki, müvafiq əmrlərlə Mahir Ələmdar oğlu Bayramova Kəlbəcər hərbi prokuroru, Elşən Xıdır oğlu Mürsəlova Qubadlı hərbi prokuroru vəzifələrinin icrası həvalə edilib.