Axar.az
Yuxarı

Qarabağdakı qələbə fundamental hadisədir - Qaragöz

Ana səhifə Toplum
12 Punto 14 Punto 16 Punto 18 Punto

Qarabağdakı qələbə türk dünyasının son illərdəki ən böyük uğurlarından biridir.

Axar.az xəbər verir ki, bunu Anadolu agentliyinin (AA) İdarə Heyətinin rəhbəri və baş direktoru Sərdar Qaragöz Türkdilli Dövlətlərin Əməkdaşlıq Şurasının (Türk Şurası) mediaforumu çərçivəsində təşkil olunan “Türk dünyasının simasında gələcəyi qur” panelində çıxışında deyib.

Qaragöz türk dünyasının Qarabağ mövzusunda ideoloji və praktiki baxımdan birlik nümayiş etdirdiyini qeyd edib:

“Biz bəyanatlarımızda maksimum birlik nümayiş etdirməyə çalışdıq. İkinci Qarabağ müharibəsində Azərbaycanın qələbəsini əsas hesab edirəm. Bu, birlik yaratmaq üçün atılan bir addımdır və bizim üçün yeni qapılar açır".

Agentlik rəsmisi vurğulayıb ki, Qarabağdakı qələbə təkcə hərbi zəfər deyil, türk dünyasını birləşdirən möhtəşəm və əsaslı qalibiyyətdir: "İkinci Qarabağ müharibəsi 44 gün davam etdi. Lakin münaqişənin bütün dövrünü, hətta hərbi əməliyyatlar başlamazdan əvvəlki tarixləri də nəzərə alsaq, görərik ki, dünya Azərbaycanın haqsızlıqdan əziyyət çəkdiyini heç vaxt tanımayıb, başqalarının da tanımasına imkan verməyib. Azərbaycan torpaqlarının işğalı ilə bağlı Qərb və Şərq mediasında geniş məqalələr, analitiklər və bəyanatlar olmayıb. Yalnız Türkiyə və Azərbaycanda, bütövlükdə türk dünyasında torpaqların işğalı faktı israrla söylənilib".

Qaragözün sözlərinə görə, uzun illər Azərbaycan guya Ermənistana təzyiq edirmiş kimi görünüb:

"Bu, münaqişənin ilk günündən zəfər gününə qədər davam etdi. Lakin siyasi gücümüz və nüfuzumuz qlobal rəqabət fonunda güclənməyə başladı. Hərbi baxımdan güclü olmaq kifayət deyil. Siyasi baxımdan iki ölkənin güclü liderləri - Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyev ciddi iradə nümayiş etdirdilər".

Baş direktor əlavə edib ki, erməni diasporunun əsas mərkəzi Kaliforniyadadır:

"İkinci mərkəz Fransada yerləşir. Bu iki mərkəz beynəlxalq mediaya müqavimət göstərməyə başladı. Amma bölgəyə gələn xarici jurnalistlər reallıqları öz gözləri ilə gördülər. Ermənistanın törətdiyi zorakılığı gördülər, işğal olunmuş torpaqlarda baş verən dağıntıları, həm dinc əhaliyə, həm də tarixi irsə qarşı törədilən cinayətləri fotoşəkillərlə çəkdilər. Nəticədə 44 gündən sonra, qələbə günündə güclü erməni lobbisinin cəhdlərinə baxmayaraq, dünya ictimaiyyətindən heç bir mənfi reaksiya olmadı. Qələbə təkcə döyüş meydanında deyil, həm də informasiya sahəsində qazanıldı”.

Qaragözün fikrincə, media Qarabağdakı qələbənin informasiya tərəfini həmişə nəzərə almalı və başqa nə edilə biləcəyini düşünməlidir: “İnanıram ki, Qarabağdakı zəfər sayəsində türk dünyasının əldə etdiyi uğurlar qarşıdakı dövrlərdə də yeni qələbələrin, nailiyyətlərin qapılarını açacaq”.

Tarix
2021.10.24 / 14:05
Müəllif
Axar.az
Şərhlər
Digər xəbərlər

Müstəntiq Tofiq Yaqubluya görə Ələtə getdi

Rusiyadan Azərbaycanın 12 müəssisəsi ilə bağlı qərar

Lirə ucuzlaşmaqda davam edir

Ən güclü smartfonun adı məlum oldu

ADU-da “Bir günlük xəlifə”lər seçildi

İstanbulda Qarabağ Zəfərinin ildönümü qeyd edildi

AFAD nümayəndə heyəti FHN-in Akademiyasında - Video

“Azəriqaz”ın rəhbər şəxsləri jurnalistlərlə görüşdü

Qanunsuz heyvan kəsim məntəqələri aşkarlandı

YAŞAT Fonduna daxil olan vəsait açıqlandı

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla