Çıxışıma ötən iclasdakı fikirlərimdən başlamaq istərdim. Mən bəzi fikirlər işlətdim. Sonradan aydın oldu ki, məsələ bir qədər fərqlidir.

Axar.az xəbər verir ki, bunu Milli Məclisdə çıxışı zamanı deputat Tahir Kərimli deyib.

O əlavə edib ki, Milli Məclisin koronavirusa yoluxan əməkdaşlarına yardım kimi 500 manat verilib. Eyni zamanda Milli Məclisin sürücülərinə kurslar təşkil edilib:

“Hətta burada ekspert vəzifəsində işləyənlər müşavir kimi irəli çəkilib. Bu da sədrin Milli Məclisin işçilərinə diqqətindən irəli gəlir.

Mən hörmətli spikerlə xarici səfərdə olmuşam, onun necə fəaliyyət göstərdiyini, ölkəmizin və parlamentin nüfuzunu gücləndirməyə çalışdığını görmüşəm”.

Deputat parlamentin ötən iclasında işlətdiyi bəzi fikirlərə görə spikerdən üzr istəyib.

Sahibə Qafarova isə deputata məsləhət görüb ki, əsassız məlumatlar əsasında çıxış etməsin.