"Baktelekom” şirkəti internet tariflərini 10 manatdan 17 manata qaldırıb. Abunəçilər isə xəbərdarlıq edilmədən qiymətin 70 faiz artırılmasından narazılıqlarını bildiriblər.

Rəqəmsal İnkişaf və Nəqliyyat Nazirliyinin tabeliyindəki Aztelekom MMC-nin İctimaiyyətlə əlaqələr üzrə meneceri Alidə Mustafayeva Axar.az-a açıqlamasında abunəçilərə əvvəlcədən xəbərdarlıq edildiyini deyib.

Onun sözlərinə görə, 6 iyul 2022-ci il tarixində həm “Aztelekom”, həm də “Baktelekom”un rəsmi səhifəsində qiymət artımı ilə bağlı xəbərdarlıq edilib:

“Xəbərdarlıq olunmayıb” sözünün bizə aidiyyəti yoxdur. Çünki biz artıq 1 ay əvvəldən xəbərdarlıq etmişik. Ola bilər, sadəcə, səhifəyə fikir verməyiblər”, - Mustafayeva deyib.