09:43

Sabiq deputat, Milli Şuranın Koordinasiya Mərkəzinin üzvü Gültəkin Hacıbəyli saxlanılıb.

Axar.az xəbər verir ki, bu barədə AXCP üzvü Fuad Qəhrəmanlı məlumat yayıb.

Bildirilib ki, o, xaricdən ölkəyə qayıdarkən Bakı hava limanında tutulub.

Ona barəsində cinayət işi başlandığı haqda məlumat verilib. Belə ki, 27 oktyabrda G.Hacıbəylidən Cinayət Məcəlləsinin 147.2 (Ağır və ya xüsusilə ağır cinayətdə ittiham etməklə böhtan atma) maddəsi ilə şikayət olunub.

Hazırda G.Hacıbəylinin Nəsimi Rayon Polis İdarəsində olduğu bildirilir.

***

Sabiq deputat Nəsimi Rayon Polis İdarəsinin əməkdaşları tərəfindən məhkəməyə təqdim olunub. Daha sonra ifadəsi alınaraq sərbəst buraxılıb.