Azərbaycan Xəzər Gəmiçiliyi QSC-də 20 Yanvar şəhidlərinin 26-cı il dönümü qeyd olunub.

Axar.az xəbər verir ki, tədbirdə 20 Yanvar və Qarabağ şəhidlərinin xatirəsi 1 dəqiqəlik sükutla yad edilib.

Qurumun sədri Rauf Vəliyev bu qanlı hadisənin müstəqillik uğrunda gedən mübarizədə əhəmiyyətindən danışıb:

"20 Yanvar xalqımızın qanlı və şərəfli hadisələrindən biridir. Müstəqilliyimiz uğrunda gedən yolun başlanğıcı olan bu gün zaman keçdikcə yaddaşlarda qalacaq və qəhrəmanlıq səlnaməsi kimi gələcək nəsillərə ötürüləcək".

R.Vəliyev 20 Yanvar hadisələri zamanı qəhrəmanlıq göstərən dənizçilərin şücaətindən bəhs edib. Onların Bakı buxtasına toplaşıb rus-sovet hərbi gəmilərinin qarşısını almasından söz açıb. Sədr Xəzər Gəmiçiliyinin tarixi haqda 3 hissədən ibarət xronoloji-sənədli filmin hazırlanması haqda da məlumat verib.

Qeyd edək ki, ümummilli matəm günündə Bakı buxtasında gəmilər hadisələr zamanı yerləşdirildiyi kimi saxlanacaq və 26 il qabaq yaşanan mənzərə bir daha canlandırılacaq.